Բարոնուհի Քերոլայն Քոքսը երեկ մամուլի ասուլիսում շնորհակալություն հայտնեց խորհրդարանական իր բրիտանացի գործընկերներին՝ Լեռնային Ղարաբաղ այցելելու եւ իրադրությանը տեղում ծանոթանալու համար, եւ անդրադառնալով Ադրբեջանի քաղաքականությանը՝ Ղարաբաղ այցելողներին Ադրբեջանի համար անցանկալի մարդկանց ցուցակում ընդգրկելու վերաբերյալ, տիկին Քոքսը հայտարարեց. «Ես կարծում եմ, որ Ադրբեջանը լավ բան չի անում ու ի վնաս իրեն է գործում, երբ փորձում է ահաբեկել Ղարաբաղ գնացողներին: Փաստորեն, իրենք եւս չափազանց ահաբեկված են ճշմարտությունից»: