Այսօր լրագրողները հարցրին Հայ ազգային կոնգրեսի համակարգող Լևոն Զուրաբյանին, թե ինչպես է գնահատում «Ժառանգություն» խմբակցության պատգամավոր Արմեն Մարտիրոսյանի երեկվա այն հայտարարությունը, որ ընդդիմությունը համախմբված չէ:

«Դա ինքնաքննդատությո՞ւն էր,- հարցրեց Լևոն Զուրաբյանը և շարունակեց:- Եթե ինքն իրեն ընդդիմադիր է համարում, ուրեմն այդ քննադատությունն ուղղված էր իրեն: Եթե ընդդիմադիր չի համարում, ուրեմն ուղղված է ընդդիմությանը, որի մեջ ինքը չի մտնում: Ես բարձր եմ գնահատում նրանց ինքնաքննադատության կարողությունը»: