M6 միջպետական մայրուղու 86-րդ կիլոմետրում Վանաձոր- Բագրատաշեն հատվածում՝ Այրում կայարանի մոտ (Լճկաձոր գյուղի հատվածում) տեղ ունեցած սողանքի վերաբերյալ կառավարությունը հայտարարություն է տարածել` հաստատելով, որ սողանքի հետևանքով փակվել է երթևեկությունը:

«Նախնական տվյալներով սողանքի գոտում մնացել են ավտոմեքենաներ: Վարչապետի որոշմամբ ստեղծվել է օպերատիվ շտաբ: Համապատասխան ծառայություններն ուղղված են դեպքի վայր: Հանգամանքները ճշտվում են:

Ձեռնարկվում են բոլոր միջոցները սողանքի գոտում հայտնված ավտոմեքենաների ուղևորներին օգնություն ցուցաբերելու նպատակով:

Խնդրում ենք ձեռնպահ մնալ Վանաձոր- Բագրատաշեն ճանապարհով երթևեկելուց: Գործում է շրջանցիկ ճանապարհ՝ Վանաձոր-Դիլիջան-Իջևան-Բագրատաշեն ուղղությամբ:

ԱԻՆ ճգնաժամային կառավարման կենտրոնում գործում է թեժ գիծ՝ 010-52-96-90, 010-36-02-97, 060 44 02 38 հեռախոսահամարներով»,- հայտնում է ՀՀ կառավարությունը: