Սեպտեմբերի 16-18-ը Բելգիայի Լոմմել քաղաքում անց է կացվում ձյուդոյի Եվրոպայի երիտասարդների առաջնությունը: Մեր հավաքական թիմը մասնակցում էր 9 մարզիկով 2 մարզիչով և մեկ մրցավարով:

Առաջին օրը սենսացիոն էր ոչ միայն Հայաստանի համար, այլ նաև շատերի համար` քանի որ, 55 և 60 կգ քաշային կարգում հաղթողներ դարցան վանաձորցի եղբայրներ Գարիկ և Գոռ Հարությունյանները վերջինս ներկայացնում է Բանակի մարզական ակումբը:

Մեր թիմին իր ներկայությամբ ոգեւորեց Բելգիայում Հայաստանի դեսպան Ավետ Ադոնցը, որը և կատարեց 60 կգ քաշային կարգի պարգևատրման պաշտոնական արարողությունը:

Օրը նաև կարևոր էր մեր մրցավարի միջազգային կարգի մրցավար Դավիթ Խիթարյանի համար, որին վստահվեց 3 եզրափակիչ գոտեմարտ:

Սեպտեմբերի 17-ին կգոտեմարտեն 66 կգ քաշային կարգում Դավիթ Ղազարյանը և Պարգև Սարիկյանը, 73 կգ քաշային կարգում Անդրանիկ Չափարյանը, իսկ 81 կգ քաշային կարգում՝ Մհեր Թավաքալյանը:

Բելգիայից` ՀՁՖ-ի փոխնախագահ Դավիթ Խիթարյան