Այսօր առավոտյան ԼՂՀ Ասկերանի շրջանում ՀՀ զինված ուժերը ոչնչացրել են ադրբեջանական անօդաչու ինքնաթիռ, որն առաջին գծում փորձել է հետախուզական գործունեություն իրականացնել։ Այս մասին «7or.am»-ին հայտնել է ՀՀ պաշտպանության նախարարի մամլո քարտուղար Դավիթ Կարապետյանը։

«Այն փորձում էր ներթափանցել մեր տարածք, որը խոսում է ադրբեջանական անօդաչու սարքերի տեխնիկական «զարգացածության» մասին»,- նշել է Կարապետյանը։

Ինչ վերաբերում է հայկական անօդաչու թռչող սարքերին, ապա Դավիթ Կարապետյանը նշել է, որ դրանք կներկայացվեն սեպտեմբերի 21-ին կայանալիք Անկախության 20-ամյակին նվիրված միջոցառման ժամանակ: