Այսօր`ժամը 02:20-ի սահմաններում, Նորագավիթ 1-ին փողոցում «Սամանդ» մակնիշի Տ 2727 համարանիշի տաքսի ավտոմեքենայի վարորդը դուրս է եկել երթևեկելի գոտուց և բախվել մայթեզրի էլեկտրական սյանը, ինչի արդյունքում էլեկտրասյունը հիմքից պոկվել է:

Դեպքի վայր են ժամանել ՀՀ արտակարգ իրավիճակների նախարարության Հայաստանի փրկարար ծառայության Երևանի փրկարարական վարչության փրկարարները: Նրանք էլեկտրասյունը ճանապարհից հեռացրել են, ավտոմեքենայի գազը՝ անջատել:

Ինչպես հայտնում է ֆոտոլրագրող Գագիկ Շամշյանը, վարորդը դեպքի վայրում չէր: Ճանապարհային ոստիկանության աշխատակիցներն ավտոմեքենան քարշակով տեղափոխել են Երևանի ՃՈ տուգանային հրապարակ: Ձեռնարկվում են օպերատիվ-քննչական գործողություններ` պարզելու վարորդի ինքնությունը:

Լուսանկարները` Գագիկ Շամշյանի