Այսօր գիշերը` ժամը 01:00-ի սահմաններում, «ԲՄՎ» մակնիշի 78 ՏԼ 777 համարանիշի ավտոմեքենայի վարորդ, 31-ամյա Արթուր Ալեքսանյանը Մաշտոցի պողոտայում դուրս է եկել երթևեկելի գոտուց և բախվել այնտեղ կայանված «Ֆոլցվագեն» մակնիշի 23 ՏՍ 524 համարանիշի ավտոմեքենային, վերջինս էլ իր հերթին բախվել է կայանված «ԲՄՎ» մակնիշի 27 ՍԼ 076 համարանիշի ավտոմեքենային, իսկ նշված «ԲՄՎ»-ն էլ բախվել է նորից կայանված «ՎԱԶ 2121» մակնիշի 26 ԼՏ 701 համարանիշի ավտոմեքենային:

Ինչպես հայտնում է ֆոտոլրագրող Գագիկ Շամշյանը, վթարից հետո «ԲՄՎ» մակնիշի 78 ՏԼ 777 համարանիշի ավտոմեքենան դուրս է եկել երթևեկելի գոտուց և հայտնվել մայթին. հարվածն այնքան ուժգին է եղել, որ ավտոմեքենան հայտնվել է շենքում գտնվող գրադարանի կամարի սանդուղքների տակ:

Մինչ դեպքի վայր են ժամանել Երևանի ՃՈ աշխատակիցները` նշված «ԲՄՎ»-ի համարանիշները ինչ-որ երիտասարդներ հանել են:

Դեպքի վայր են ժամանել Երևանի ՃՈ մեծ թվով աշխատակիցներ, ապահովագրական ընկերության ներկայացուցիչներ:

Լուսանկարները` Գագիկ Շամշյանի