2010 թվականի առաջին եռամսյակից կգործի նոր հիմնադրամ, որը երիտասարդ ընտանիքներին աջակցելու համար երկարաժամկետ վարկեր է տրամադրելու: Այս պահի դրությամբ ծրագրի կանոնադրական կապիտալը 3 մլն դրամ է կազմել: Ենթադրվում է, որ հիպոթեքային վարկեր կտրամադրվեն մինչև 15 տարով` 16 մլն դրամի շրջանակներում: Այսօր լրագրողների հետ հանդիպման ժամանակ վարչապետ Տիգրան Սարգսյանը նշեց, որ այս հայեցակարգը կառավարության մոտակա նիստերից մեկում կհաստատվի: 2009թ-ին ստեղծված հիմնադրամը` 12 մլրդ դրամ կապիտալով, այս պահին արդեն իսկ 1 մլրդ 600 մլն-ի հիպոթեքային վարկեր է տրամադրել, և մինչև տարվա վերջ այս ցուցանիշը կավելանա: «2010 թվականին, մենք հուսով ենք, որ մեր երիտասարդ ընտանիքները կօգտվեն այս հնարավորությունից, նամանավանդ, որ սա այն կարևորագույն պարտավորությունն է, որ մենք ստանձնել ենք»,-հավելեց վարչապետը: