2009թ-ին երկաթգծով իրականացված ապրանքաշրջանառությունը 15 %-ով աճել է նախորդ տարվա համեմատ: Տնտեսվարող սուբյեկտները իրենց փոխադրումներն իրականացրել են` նախապատվություն տալով երկաթգծին: «Եթե Վերին Լարսը հանձնվի շահագործման, մեքենաներով ապրանքների տեղափոխման տեսակարար կշիռը նորից կվերականգնվի, և բնականաբար, դրանք կստեղծեն ավելի լավ պայմաններ մեր տնտեսական սուբյեկտների համար: Այս պահի դրությամբ արձանագրում ենք այն դրական դինամիկան, որ կա բանակցային գործընթացներում և հույս ունենք, որ 2010 թվականի գարնանքը ճանապարհները նորից կաշխատեն»,-այսօր մամուլի ասուլիսի ժամանակ ասաց վարչապետ Տիգրան Սարգսյանը: