Չիլիում՝ Խաղաղ օվկիանոսի ափի հատվածում, սեպտեմբերի 2-ին անհետ կորել է ռազմական ինքնաթիռ, որում եղել է 21 մարդ: Այս մասին հայտնում է CNN-ը:

Չիլիի պաշտպանության նախարար Անդրես Ալլամոնդը լրագրողներին ասել է, որ ինքնաթիռը երկու անգամ փորձել է վայէջք կատարել, մինչ նրա հետ կապը կորել է:

Չիլիի TVN հեռուստաընկերության գործադիր տնօրեն Մաուրո Վալդեսը հայտնել է, որ ուղևորներից 5-ը եղել է իրենց հեռուստաընկերության աշխատակից:

Չիլիի օդուժի հրամանադատար, գեներալ Ջորջ Ռոջասը տեղեկացրել է, որ որոնողական աշխատանքները կսկսվեն սեպտեմբերի 3-ի վաղ առավոտյան:

Իսկ երկրի նախագահ Սեբաստիան Պիներան խոստացել է, որ կհետաքննվի նաև «հնարավոր վթարի» տարբերակը:

«Սա ուժեղ հարված է մեր երկրին, բայց նաև ցավի ու անորոշության հենց այս պահն է, որ պահանջում է չիլիացիների համախմբվածությունն ու համերաշխությունը»,- CNN-ին ասել է Չիլիի նախագահը: