Ֆոտոլրագրող Գագիկ Շամշյանը հայտնում է, որ քիչ առաջ փրկարարները եւ ոստիկանները Սեւանի ափին հարակից ճահճուտի մոտ՝ խոտերի մեջ, գտել են 5-ամյա Էդուարդ Սիրամարգյանին, որը կորել էր երեկ կեսօրին՝ ժամը 12:00-ի սահմաններում: Մինչ այդ նա իր 4 տարեկան եղբոր հետ ափին խաղալիս է եղել:

Բարեբախտաբար, երեխան ողջ է: Հիշեցնենք, որ Երևանի Մալաթիա-Սեբաստիա վարչական շրջանի բնակիչ, 5-ամյա Էդուարդ Սիրամարգյանը կորել էր Սևանա լճի ափին գտնվող՝ անհատ ձեռներեց Ջիվան Աֆրիկյանի կողմից վարձակալական հիմունքներով
օգտագործվող տարածքում: Սկսվել էր որոնողական լայնածավալ աշխատանքներ, որոնցում ներգրավված էին Փրկարար ծառայության Գեղարքունիքի մարզի հրշեջ-փրկարարները և ջրասուզակները, ոստիկանության Գեղարքունիքի մարզայինվարչության եւ Սևանի բաժնի աշխատակիցները:

Նրանք իրենց որոնողական աշխատանքները անցած գրեթե մեկ օրվա ընթացքում չէին դադարեցրել: Որոնողական աշխատանենքերում փրկարարներին եւ ոստիկաններին ակտիվորեն աջակցել են նաեւ Սեւանի ափին հանգստացողները:

Լուսանկարները՝ Գագիկ Շամշյանի