Օգոստոսի 14-ից 20-ն ընկած ժամանակահատվածում ղարաբաղաադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 200 անգամ: Այս ընթացքում Ադրբեջանի ԶՈւ-ի առաջապահ ստորաբաժանումները «AK», «CBD», «ПК» և «ДШК» տիպի հրաձգային զենքերից հայկական դիրքերի ուղղությամբ արձակել են ավելի քան 1400 կրակոց:

«ՊԲ առաջապահ ստորաբաժանումները հիմնականում ձեռնպահ են մնացել պատասխան գործողություններից և վստահորեն իրականացրել մարտական դիրքերի պաշտպանությունը»,- հայտնում է Պաշտպանության բանակի լրատվության և քարոզչության բաժինը: