Օգոստոսի 7-ին ստացված տեղեկատվության համաձայն՝ տեղացած հորդառատ անձրևի հետևանքով Արագածոտնի մարզի Ապարանի ջրամբարի հանգստյան գոտում առաջացած ցեխակույտերում հայտնվել են ավտոմեքենաներ, և նրանց դուրս բերելու համար անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ և «ԶԻԼ-131» կրունգ:

«Հրշեջ-փրկարարների ուժերով ցեխակույտերից դուրս են բերվել 4 մարդատար և 1 «ԳԱԶել» մակնիշի ավտոմեքենա (5 վարորդ և 22 ուղևոր)»,- հայտնում է արտակարգ իրավիճակների նախարարությունը: