Երեկ՝ ժամը 21:00-ի սահմաններում, Կոտայքի մարզի Աբովյան-Պտղնի ավտոճանապարհի 5-րդ կմ-ում տեղի է ունեցել ճանապարհատրանսպորտային պատահար:

Դեպքի վայր է մեկնել մեկ մարտական հաշվարկ եւ տեղում պարզել է, որ դեռևս չբացահայտված հանգամանքներում Հ. Մաթևոսյանին պատկանող «Մերսեդես Ե-320» մակնիշի 26 ՕՏ 980 համարանիշով ավտոմեքենան դուրս է եկել ճանապարհի երթևեկելի մասից և շրջվել ձորը: Բարեբախտաբար, տուժածներ չկան:

«Դեպքի վայր ժամանած տեխնիկայի և հրշեջ-փրկարարների համատեղ ուժերով ավտոմեքենան դուրս է բերվել երթևեկելի մաս»,- հաղորդում են Արտակարգ ալիք լրատվական կենտրոնից: