Այսօր Ազգային ժողովի հերթական առօրյան սկսեց անթաքույց աշխուժությամբ: Նիստը դեռևս չսկսած՝ Հանրապետական խմբակցության պատգամավորներն ավանդական ձևով իրար ձեռք սեղմեցին, ողջագուրվեցին: Իսկ օրը նրանց համար տարբերվում էր այն հանգամանքով, որ շնորհավորում էին իրենց կուսակից պատգամավորի` Հովհաննես Սահակյանի ծննդյան օրը:

Մինչ այդ ԱԺ փոխխոսնակ Էդուարդ Շարմազանովը, դահլիճում շատ բարձր ձայնով դիմելով հանրապետականներին, ասաց. «Ո՞նց եք, հանրապետականներ»:  Նրա հարցը, սակայն, անպատասխան մնաց, թերևս դրան խանգարում էր հանրապետականների էնտուզիազմը: