Սահմանադրական դատարանի նախագահ Գագիկ Հարությունյանի ուսանողներն այս պահին եւս մասնակցում են «Դեմ եմ» նախաձեռնության կազմակերպած հավաք-երթին: Նրանք պահել են Գագիկ Հարությունյանի նկարով եւ «Ապացուցիր, որ չես ստել մեզ դասավանդելիս» վերտառությամբ պաստառներ:

Ազատության հրապարակն այս պահին լեցուն է ՀՀ քաղաքացիներով, ովքեր պահանջում են հակասահմանադրական ճանաչել պարտադիր կուտակային կենսաթոշակային համակարգի մասին  օրենքը:

Քաղաքացիներին են միացել նաեւ ԱԺ պատգամավորներ: «Սուտ են իշխանության այն պնդումները, թե օրենքը բխում է հասարակաության շահերից, այն բխում է միայն իշխանության կլանի շահերից»,- Ազատության հրապարակում հայտարարեց Նաիրա Զոհրաբյանը:

Հավաք-երթի կազմակերպիչները նշում են, որ հասարակության լայն հատվածը վստահություն չունի կուտակային կենսաթոշակի վերաբերյալ օրենքի նկատմաբ: Հետևաբար, Սահմանադրական դատարանը պետք է կասեցնի կուտակային պարտադիր բաղադրիչի կիրառումը:

«ՀՀ բոլոր քաղաքացիներրը հասկանում են, որ սա բացահայտ ռեկետ է, ՀՀ քաղաքացիները, իմանալով այս օրենքի մասին, սկսել են հետազոտել այն: Այ ժմ պետք է պահանջել Սահմանադրական դատարանից  կասեցնել այդ օրենքը, չհապաղել»,- հայատարարեց ակցիայի մասնակիցներից մեկը:

Հավաքի մասնակիցները շարունակում են վանկարկել «դեմ ենք», «ո՛չ պետական նալոգին», «Սերժի՛կ, հեռացիր», «ո՛չ թալանին»: