ՀՀ էներգետիկայի և բնական պաշարների նախարար Արմեն Մովսիսյանը «Նաիրիտ գործարանի» աշխատակիցներին խոստացել է, որ նրանք երեքշաբթի աշխատավարձ կստանան: 

Ավելին, ինչպես «Հետքին» հայտնեցին գործարանի աշխատակիցները, նախարարը նաև խոստացել է, որ այսուհետ աշխատակիցները կանոնավոր` ամեն ամիս աշխատավարձ են ստանալու, և գործարանը շուտով սկսելու է աշխատել: 

Հիշեցնենք, որ այսօր առավոտյան «Նաիրիտ գործարանի» աշխատակիցները պատրաստվում էին կրկին նախագահական նստավայր գնալ` իրենց աշխատավարձերի վճարման պահանջով: Մինչ այդ նրանք հանդիպեցին նախարար Մովսիսյանի հետ, ով նրանց վերոնշյալ խոստումներն է տվել: