Հուլիսի 2-ին ահազանգ է ստացվել, որ Արագածոտնի մարզի Ռյա Թազա գյուղի մոտակայքում տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը: Դեպքի վայր է մեկնել երկու մարտական հաշվարկ:

Տեղում պարզվել է, որ դեռևս չբացահայտված հանգամանքներում բախվել են «ԳԱԶել» մակնիշի և «ԶԻԼ» մակնիշի ավտոմեքենաները:

Նախնական տվյալներով կա 2 զոհ և 11 տուժած, որոնցից 9-ը տեղափոխվել է Ապարանի բժշկական կենտրոն, իսկ 2-ը` 1995 թ. ծնված Գուրգեն Սարդարյանը և 1980 թ. ծնված Անուշիկ Սարիբեկյանը՝ Ծաղկահովիտ գյուղի բժշկական կենտրոն: Այս մասին հայտնում է արտակարգ իրավիճակների նախարարությունը: