HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Երևանում ոստիկանության հայտնաբերածը. լիցքավորված «Մակարով», գաղտնի փականով դանակ, թմրամիջոց

Մայիսի 17-ին ոստիկանության ԿՀԴՊ գլխավոր վարչության և ճանապարհային ոստիկանության 1-ին գումարտակի ծառայողները ապօրինի թմրամիջոց և զենք-զինամթերք պահելու կասկածանքով Երևանի Կիևյան փողոցի թիվ 12 շենքի մոտից բերման են ենթարկել 1986 թ. ծնված Գևորգ Գ.-ին, 1988 թ. ծնված Դավիթ Հ.-ին և 1953 թ. ծնված Արայիկ Գ.-ին վերջինիս «Օպել» մակնիշի տաքսի ավտոմեքենայով:

Անձնական խուզարկությամբ Գևորգ Գ.-ի գոտկատեղից հայտնաբերվել է «Մակարով» ատրճանակ, լիցքավորված 9 մմ տրամաչափի 7 փամփուշտով, իսկ տաբատի գրպանից՝ «SMITH & WESSON» գրառմամբ գաղտնի փականով, 9,8 սմ շեղբի երկարությամբ դանակ:

Դավիթ Հ.-ի գրպանից հայտնաբերվել է մարիխուանա թմրամիջոցի 5 փաթեթ: Նա հայտնել է, թմրամիջոցը, 1 փաթեթը 20.000 դրամով, ձեռք է բերել ոմն Գերասից:

Ձեռնարկված օպերատիվ-հետախուզական միջոցառումների շնորհիվ պարզվել է, որ Գերասը Երևանի բնակիչ, 1987 թ. ծնված Գերասիմ Ա.-ն է:

Նույն օրը ոստիկանության ԿՀԴՊ ԳՎ և ՃՈ 1-ին գումարտակի ծառայողները Երևանի Այգեձորի փողոցի թիվ 63 տան մոտ կանգնեցրել են նրա վարած «ԳԱԶ-31105» մակնիշի ավտոմեքենան, որի սրահից՝ վարորդի ոտնատեղի տակից, հայտնաբերվել է թղթի փաթեթ՝ մարիխուանա թմրամիջոցին նմանվող զանգվածով: Գերասիմ Ա.-ն հայտարարել է, որ հայտնաբերվածը մարիխուանա թմրամիջոց է և պատկանում է իրեն:

Ոստիկանություն բերման ենթարկվելուց հետո նա հայտնել է, որ մայիսի 17-ին 100.000 դրամով Դավիթ Հ.-ին իրացրել է 5 փաթեթ մարիխուանա թմրամիջոց:

«Հայտնաբերվածն ուղարկվել է փորձաքննության: Կատարվում է հետաքննություն»,- հայտնում է ոստիկանությունը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter