Մայիսի 13-ին ահազանգ է ստացվել, որ հրդեհ է բռնկվել Երևանի Արցախի պողոտայի թիվ 38 հասցեի մոտակայքում գտնվող բենզալցակայանում: Դեպքի վայր են մեկնել 5 մարտական հաշվարկ և ՃԿԿ ԱԻ արձագանքման խմբերը: Հրդեհը մեկուսացվել և մարվել է:

Գ. Մոսյանին պատկանող բենզալցակայանում այրվել են 200 լիտր տարողությամբ 4 և 20 լիտր տարողությամբ՝ 20 վառելիքի տարա:

Հրդեհի հետևանքով 1972 թ. ծնված Գարիկ Մոսյանը և 1996 թ. ծնված Էդուարդ Սահակյանը տարբեր աստիճանի այրվածքներով տեղի ուժերով տեղափոխվել են «Էրեբունի» բժշկական կենտրոն, այնուհետև Ճառագայթային բժշկության և այրվածքների գիտական կենտրոն: Բժիշկները տուժածների առողջական վիճակը գնահատել են կայուն ծանր: