Այս պահին Ազգային ժողովում կառավարության անդամները պատասխանում են պատգամավորների գրավոր եւ բանավոր հարցերին: ԱԺ նախագահ Հովիկ Աբրահամյանը կառավարության անդամներին ներկայացնելիս նշում է «նախարարի պաշտոնակատար» ու ինքն իր ասածից սկսում է ծիծաղել:

Հիշեցնենք, Սահմանադրության համաձայն, երեկ կառարությունը ողջ կազմով հրաժարական է տվել եւ նախագահ Սերժ Սարգսյանի հրամանագրով նրանք որպես պաշտոնակատարներ կշարունակեն պաշտոնավարել մինչեւ նոր կառավարության ձեւավորումը:

ԱԺ նախագահը նախ սփյուռքի նախարարի պաշտոնակարատ Հրանուշ Հակոբյանից ճշտեց «հո կառավարության անդամները չե՞ն վիրավորվում, որ պաշտոնակատար են ներկայացվում»:

«Ոչ, պարոն Աբրահամյան, դա Սահմանադրությունով է»,- ասաց Հրանուշ Հակոբյանը:

Իսկ Արմեն Գեւորգյանին ներկայացնելիս Հովիկ Աբրահամյանը ճշտեց. «Հիմա մենակ նախարարի պաշտոնակատա՞ր եք, թե՞ փոխվարչապետի էլ»:

«Երկուսն էլ»,- ասաց Արմեն Գեւորգյանը, ինչը բուռն ծիծաղ առաջացրեց Հովիկ Աբրահամյանի մոտ: