Երևանում այսօր կա 44 հյուրանոց, և քաղաքապետարան-մասնավոր հատված համագործակցության արդյունքում այս տարի շահագործման կհանձնվի ժամանակակից բոլոր պահանջներին համապատասխանող ևս 5 նոր հյուրանոցային համալիր: Այս մասին այսօր ասել է Երևանի քաղաքապետ Տարոն Մարգարյանը:

«Այս հարցում ևս առաջնորդվել ենք Երևանի համաչափ զարգացման ապահովման դիրքերից: Արդեն հայտեր ունենք և քննարկում ենք նախագծեր, որպեսզի բոլոր այն վարչական շրջաններում, որտեղ հյուրանոցներ կառուցելու հնարավորություն կա, ներգրավենք շահագրգիռ ներդրողների»,- ասել է Տարոն Մարգարյանը:

Այսօր նա ծանոթացել է Ավան վարչական շրջանում ընթացող «Վինթոն հոթել Երևան» հյուրանոցի կառուցման աշխատանքներին:

«Ներկայումս տարեկան Երևան է այցելում շուրջ 850 հազար զբոսաշրջիկ, և այս առումով մեր քաղաքականությունը հստակ է. Երևանը հարամարվետ պետք է լինի թե մեր քաղաքացիների և թե մեր քաղաքի հազարավոր հյուրերի համար»,- ասել է Տարոն Մարգարյանը: