Մարտի 29-ին տեղի ունեցավ ՀՖՖ գործկոմի հերթական նիստը` ՀՖՖ նախագահ Ռուբեն Հայրապետյանի նախագահությամբ:

Օրակարգում ընդգրկված հարցերի թվում էին Հայաստանի ազգային հավաքականի գլխավոր մարզիչ Վարդան Մինասյանի հրաժարականի դիմումի քննարկումը, ՀՖՖ հերթական ժողովի անցկացման վայրի, ամսաթվի և օրակարգի հաստատումը, ինչպես նաև Հայաստանի Մ-21, Մ-19 և Մ-17 հավաքականների մարզչական կազմերի հաստատումը:

Օրակարգային հարցերի քննարկման արդյունքում ՀՖՖ գործադիր մարմինը մերժեց Հայաստանի ազգային հավաքականի գլխավոր մարզիչ Վարդան Մինասյանի հրաժարականի դիմումը և վերահաստատեց Վարդան Մինասյանին Հայաստանի ազգային հավաքականի գլխավոր մարզչի պաշտոնում: ՀՖՖ գործկոմը որոշեց ՀՖՖ հերթական ժողովն անցկացնել ապրիլի 27-ին՝ ժամը 11:00-ին, ՀՖՖ տեխնիկական կենտրոն-ֆուտբոլի ակադեմիայում, ինչպես նաև հաստատեց Հայաստանի Մ-21, Մ-19 և Մ-17 հավաքականների մարզչական կազմերը:

Այս մասին հայտնում է ՀՖՖ պաշտոնական կայքը: