Մարտի 3-ին ոստիկանության Քանաքեռ-Զեյթունի բաժին էր դիմել 46-ամյա մի տղամարդ և հայտնել, որ Զաքարիա Սարկավագի փողոցում գտնվող, իրեն պատկանող ավտոլվացման կետի աշխատակիցն, իր մոտ եղած բանալիով դուռը բացելով, ավտոլվացման կետից մարտի 2-ից մարտի 3-ն ընկած ժամանակահատվածում գողացել է ավտոլվացման սարք, հսկիչ դրամարկղային 2 մեքենա, «ԴՎԴ» նվագարկիչ և հեռուստացույց՝ պատճառելով 450.000 դրամի նյութական վնաս:

Մարտի 18-ին ոստիկանության ծառայողներն այդ գողությունը կատարելու կասկածանքով բերման են ենթարկել Երևանի բնակիչ, 1981 թ. ծնված Կարլեն Խ.-ին, որը տվել է խոստովանական բացատրություն:

«Ձեռնարկվում են միջոցառումներ գողոնը հայտնաբերելու ուղղությամբ: Նախաքննությունը շարունակվում է»,- հայտնում է ոստիկանությունը: