Տեսանյութեր
Լուսանկարներ
Վարդան Այվազյան. «Մեր քաղաքական կուլտուրան թույլ չի տալիս, որ ընդդիմադիր կողմն էլ շնորհավորի նախագահին»
Այն, որ ընդդիմությունը 500 հազարից ավելի ձայն է հավաքել, նշանակում, է որ ժողովուրդը խնդիր ունի տեսնելու միասնական թեկնածուի, բայց ընդդիմությունը չի միավորվել: Այսօր՝ լրագրողների հետ հանդիպման ժամանակ, այսպիսի կարծիք հայտնեց ՀՀԿ ներկայացուցիչ Վարդան Այվազյանը:
«Այսօր նախագահին շնորհավորում են աշխարհի բոլոր տերությունները, բայց մեր քաղաքական կուլտուրան թույլ չի տալիս, որ ընդդիմադիր կողմն էլ շնորհավորի, պարտադիր պետք է գնանք միտինգների, դիմենք Սահմանադրական դատարան»,- հավելեց Վարդան Այվազյանը:
Նա նշեց, որ երկրում իսկապես կան բազմաթիվ սոցիալական և տնտեսական խնդիրներ, որոնք պետք է լուծեն իշխանությունները:
«Իշխանական թևի համար իսկապես խնդիր է այն, որ այդքան մարդ ընտրել է ընդդիմությանը անգամ այն վայրերում, որոնք երկար ժամանակ համարվել են իշխանության համար անխոցելի ամրոցներ: Այսինքն՝ կան բազմաթիվ խնդիրներ, որոնց առաջին պատասխանատուն իշխանությունը կրողներն են»,- ասաց Վարդան Այվազյանը:
Նա չհամաձայնեց ասուլիսի մյուս բանախոսի՝ «Համագործակցություն հանուն ժողովրդավարության» կենտրոնի նախագահ Ստեփան Դանիելյանի այն հայտարարությանը, որ ընտրությունների ժամանակ իշխանություններն օգտագործում են իրենց վարչական ռեսուրսը:
Վարդան Այվազյանի խոսքով՝ ընդհակառակը, բոլոր խոշոր կենտրոններում, որտեղ մեծ էին իշխանությունների վարչական ռեսուրսները, Րաֆֆի Հովհաննիսյանն է հաջողություններ է գրանցել:
Ելենա Թորոսյան
Մեկնաբանություններ (2)
Մեկնաբանել