Արագածոտնի մարզպետ Սարգիս Սահակյանը «Հետքի» հետ զրույցում ասաց, որ չի պատրաստվում աշխատանքից ազատվելու դիմում գրել: «Նման բան չկա, ովքեր լուրեր են տարածում, թե ես աշխատանքից ազատվելու դիմում եմ ներկայացնելու, անլուրջ մարդիկ են»,- ասաց Սարգիս Սահակյանը:

Նրա ասելով` փետրվարի 18-ին կայացած նախագահական ընտրությունների ժամանակ իշխանական թեկնածուի օգտին մարզից ստացած ձայներով Արագածոտնը  հանրապետությունում 3-րդն է: 

Ըստ լրատվամիջոցների` ընտրություններից հետո ՀՀԿ-ի շտաբ են հրավիրել բոլոր մարզպետներին եւ պարզաբանումներ պահանջել Սերժ Սարգսյանի օգտին քիչ քվեներ ստանալու համար: Սարգիս Սահակյանն ասաց, որ ընտրություններից հետո ինքը բարձրաստիճան որեւէ պաշտոնիայի հետ չի հանդիպել:

Լուս.՝ noratert.am-ի