ԼՂՀ արտգործնախարար Գեորգի Պետրոսյանը երեկ լրագրողների հետ հանդիպմանը հայտարարել է, թե չնայած Ղարաբաղը այս փուլում չի մասնակցում բանակցություններին, սակայն իրենք գործանականում տեղեկացված են տեղի ունեցող իրադարձություններից: Պատասխանելով լրագրողների հարցին, թե ինչու ԼՂ-ն չի մասնակցում բանակցություններին, Գեորգի Պետրոսյանը ասել է, թե միջնորդների կարծիքով` եռակողմ ձեւաչափով դժվար է բանակցություններ վարել, քանի որ երեք կողմերը դժվար են պայմանավորվում, ապա հավելել, որ առանց Լեռնային Ղարաբաղի որեւէ բանի հնարավոր չի հասնել: Իսկ այն հարցին, թե եթե ընդունվի մի որոծում, որը ձեռնտու չի լինի ղարաբաղյան կողմի համար, ի՞նչ տեղի կունենա, Պետրոսյանն ասել է. «Մեզ հնարավոր է ոչնչացնել, բայց առանց մեզ որոշում ընդունել չի կարելի: Ուրեմն մեզ պետք է ասեն` պատրաստ ենք ձեզ ոչնչացնել, բայց այդ մասին պետք է ասեն ուղիղ»: