«Հայաստան» համահայկական հիմնադրամը երաժշտական գործիքներ եւ աուդիո-վիզուալ սարքավորումներ է նվիրաբերել Երեւանի Ավետ Տերտերյանի անվան արվեստի դպրոցին: Նախօրեին կազմակերպված համերգ-ցուցահանդեսը դպրոցի սաների եւ տնօրինության երախտիքի խոսքն էր ուղղված հովանավորին:

Դպրոցին նվիրաբերվել է 2 ջութակ, 3 քանոն, ալտ, ֆլեյտա, ուդ, սանթուր, պկու, կլարնետ, ինչպես նաեւ ֆոտոխցիկ, կինոխցիկ, համակարգիչ, տպիչ, երաժշտական սարքավորումներ, նկարչական մոլբերտներ:

Դպրոցի 35 մասնագիտական խմբակներում սովորում է 3-14 տարեկան ավելի քան 750 աշակերտ:

«Այս գործիքները, վստահ եմ, նոր որակ կհաղորդեն մեր սաների կատարումներին եւ նոր հույզեր կպարգեւեն հանդիսատեսին»,- իր ողջույնի խոսքում ասաց փոխտնօրեն Արմինե Սողոմոնյանը:

Շենքային պայմանների բարելավումը դպրոցի առաջնահերթ խնդիրների թվում է:

Նվիրատվության ֆինանսավորումը`Հիմնադրամի Շվեդիայի տեղական մարմին

Հիմնադրամի հասարակայնու թյան հետ կապերի բաժին