Երևանի քաղաքաշինական խորհրդի նիստի օրակարգում քննարկվել է ՀՀ Կառավարական շենքի բակում Ալ.Թամանյանի նախագծով նախատեսված թմբուկը կառուցելու հարցը:

Երևանի գլխավոր ճարտարապետ Նարեկ Սարգսյանը ներկայացրել է թմբուկի կառուցման անհրաժեշտության քաղաքաշինական հիմնավորումները:

Մասնագիտական ակտիվ քննարկումներ են ծավալվել և ներկայացված հանրային մեծ հետաքրքրություն ունեցող հարցի վերաբերյալ իրենց կարծիքներն ու տեսակետներն են արտահայտել խորհրդի գրեթե բոլոր անդամները:

Արդյունքում խորհրդի ներկա գտնվող 24 անդամներից 21-ը քվեարկությամբ կողմ է արտահայտվել թմբուկ կառուցելու ծրագրին և այդ կառույցը վարչական նշանակությամբ օգտագործելու առաջարկին (1 դեմ, 3 ձեռնպահ):

Առաջարկվել է նախագծի վերջնական տարբերակի մշակումից հետո այն ներկայացնել խորհրդի համաձայնեցմանը:

Երևանի քաղաքապետարանի տեղեկատվության և հասարակայնության հետ կապերի վարչության հաղորդմամբ` քաղաքաշինական խորհրդի նիստը վարել է Երևանի քաղաքապետ Կարեն Կարապետյանը: