Կրթության և գիտության նախարար Արմեն Աշոտյանի հրամանով այս տարվա սեպտեմբերի  3-ին տեղի կունենա բաց մրցույթ «Գյումրու Մ. Նալբանդյանի անվան պետական մանկավարժական ինստիտուտ» պետական ոչ առևտրային կազմակերպության գործադիր մարմնի՝ ռեկտորի թափուր պաշտոնի համար: 

Նախարարի մեկ այլ հրամանով «Հայաստանի պետական ճարտարագիտական համալսարան (Պոլիտեխնիկ)» պետական ոչ առևտրային կազմակերպության գործադիր մարմնի՝ ռեկտորի թափուր պաշտոնի համար բաց մրցույթը տեղի կունենա  դարձյալ սեպտեմբերի  3-ին:

Ռեկտորներիի թափուր պաշտոնների համար բաց մրցույթին մասնակցելու հավակնորդների փաստաթղթերի ընդունելությունը կկատարվի հուլիսի 25-ից մինչև օգոստոսի 25-ը ներառյալ: Այս մասին հայտնում են ԿԳՆ մամլո ծառայությունից: