ԵՊՀ ուսանողների և հասարակայնության հետ կապերի գծով պրոռեկտոր Ռուբեն Մարկոսյանի դիտարկմամբ՝ պետք է ամրապնդվի բուհ-ձեռնարկություն կապը, որպեսզի կրթական համակարգը և աշխատաշուկան կարողանան համահունչ քայլել:

ԵՊՀ պրոռեկտորի խոսքերով՝ այդ ուղղությամբ աշխատանքներ են կատարվում. իրականացվելու են հատուկ ծրագրեր, որոնց շրջանակներում արտադրությունների, կազմակերպությունների ներկայացուցիչները հնարավորություն կստանան դասախոսություններ կարդալ բուհ-երում, մասնակցել կրթական ծրագրերի ստեղծմանը, որպեսզի դրանք համապատասխանեցվեն այսօրվա աշխատաշուկայի պահանջներին:

Խոսելով կրթության որակի փոփոխությունների մասին՝ Ռուբեն Մարկոսյանը նշեց, որ այժմ ուսանողների առջև դրված պահանջները մեղմացել են, սակայն դրա հետևանքով ավելացել է ոչ թե առաջադիմությունը, այլ լուծարքների քանակը: