Հայաստանի ֆուտբոլի ազգային հավաքականը հաղթանակով եզրափակեց 2012 թվականը: Քիչ առաջ մեր թիմը ընկերական խաղում 4-2 հաշվով հաղթեց Լիտվայի ընտրանուն: Հայ ֆուտբոլիստներից աչքի ընկան Էդգար Մանուչարյանը, Կառլեն Մկրտչյանը, Հենրիխ Մխիթարյանը, Արաս Օզբիլիզը:

Հանդիպումն անցավ Հայաստանի ընտրանու տարածքային առավելությամբ, որը մրցակցին գերազանցեց թե տեխնիկապես, թե արագությամբ, թե կառուցողական գործողություններով:

Սա, կարելի է ասել, ռեւանշ էր անցյալ տարվա պարտության դիմաց, երբ մեր թիմը 0-3 հաշվով զիջեց բալթյան երկրի հավաքականին նրա հարկի տակ՝ Կաունասում: