Աղետի գոտում նախորդ երեք տարիների ընթացքում բնակբաշխման գործընթացը իրականացնող ՀՀ քաղաքաշինության նախարարության կողմից, Գյումրու անօթևանների հերթացուցակում հաշվառված մոտ 400 անօթևան ընտանիք տարաբնույթ պատճառներով զրկվեց բնակարան ստանալու իրավունքից:

Այդ ընտանիքները համալրեցին Գյումրու վագոն-տնակներում ապրող ավելի քան 3500 այն անօթևան ընտանիքների շարքերը, ովքեր չունեն երկրաշարժի հետևանքով անօթևանի կարգավիճակ, և նույնիսկ անհայտ է, թե երբևէ կունենա՞ն բնակարաններ: Համենայնդեպս, պետությունը նրանց բնակարաններ տրամադրելու որևէ պարտավորություն չի ստանձնել:

Այդպիսի ընտանիքների թվում կան տասնյակ միայնակ տարեցներ, որոնց տնակները վաղուց շարքից դուրս են եկել, և իրենք պարզապես ի վիճակի չեն գոնե մասնակի նորոգել իրենց կացարանները:

«Շիրակ կենտրոնի» աշխատակիցները բնակարանային իրավունքից զրկելու պատճառներին ծանոթանալու և տեսանյութ պատրաստելու նպատակով այսօր այցելեցին Գյումրու Մանուշյան փողոցի հարակից տարածքի տնակային ավանում բնակվող Դոլորես Մանուկյանին:

Առավել մանրամասն՝ «Շիրակ կենտրոնի» պատրաստած տեսանյութում:

«Շիրակ կենտրոն»