Գյումրու քաղաքապետ ընտրվելու հիմքով Սամվել Բալասանյանի պատգամավորական լիազորությունները դադարեցվել են, եւ քանի որ նա գյուղատնտեսության եւ բնապահպանության հարցերով ԱԺ մշտական հանձնաժողովի նախագահն էր, թափուր է մնացել նաեւ այդ պաշտոնը:

Նշված հանձնաժողովի նախագահի պաշտոնը վերապահված է ԲՀԿ-ին: Խմբակցության քարտուղար Նաիրա Զոհրաբյանը հայտարարեց, որ հանձնաժողովի նախագահի պաշտոնում առաջադրում են Մարտուն Գրիգորյանի թեկնածությունը:

Թեկնածուն իր ելույթում նշեց, որ հանձնաժողովը աշխատելու է բաց` ոլորտի մասնագետների եւ ՀԿ-ների հետ համատեղ: «Ժառանգություն» խմբակցության պատգամավոր Զարուհի Փոստանջյանը Մարտուն Գրիգորյանից հետաքրքրվեց, թե ինչ կարծիք ունի Թեղուտի հանքի վերաբերյալ, ապա ակնկալելով ստանալ «այո» կամ «ոչ» պատասխանը` փորձեց պատգամավորի վերաբերմունքը ճշտել այդ հանքի հետ կապված ժամանակավոր հանձնաժողովի ստեղծման վերաբերյալ:

Մարտուն Գրիգորյանը խուսափողական պատասխան տվեց: Քիչ անց պատգամավորները կընտրեն հանձնաժողովի նախագահին: