Ելույթ ունենալով Միացյալ Թագավորության դեսպանության կողմից կազմակերպած ընդունելությանը՝ փոխվարչապետ Մհեր Գրիգորյանը ՀՀ կառավարության անունից շնորհավորել է Նորին մեծություն թագավոր Չարլզ Երրորդի ծննդյան պաշտոնական տոնակատարության առթիվ և ընդգծել, որ Երևանի ու Լոնդոնի միջև ռազմավարական գործընկերության հաստատումը կարևոր հանգրվան է փոխշահավետ և բազմոլորտ համագործակցության հետագա ամրապնդման և ընդլայնման համար։ Այս մասին հաղորդում է Կառավարության մամուլի ծառայությունը։

«Փոխվարչապետը համոզմունք է հայտնել, որ երկկողմ հարաբերություններում արձանագրված դրական դինամիկայի հիման վրա երկու երկրները կշարունակեն խորացնել և ամրապնդել համագործակցությունը՝ ընդհանուր ջանքերը վերածելով շոշափելի արդյունքների»,- նշվում է հաղորդագրությունում։