Տեսանյութեր
Լուսանկարներ
«Կաթնառատի» «Լոռի» պանրում աղիքային ցուպիկ է հայտնաբերվել. արտադրությունը կասեցվել է
Սննդամթերքի անվտանգության տեսչական մարմինը հայտնում է, որ «Միլլկաթ» ՍՊԸ-ին պատկանող կաթնամթերքի արտադրամասում (ք․ Երևան) իրականացված ստուգման շրջանակներում պարզվել է, որ արտադրվել է վտանգավոր սննդամթերք։
Փորձաքննության ներկայացված «Կաթնառատ» ապրանքանիշի «Լոռի պանիր 50%» արտադրատեսակի նմուշը «աղիքային ցուպիկի խմբի մանրէներ» (ԱՑԽՄ) ցուցանիշով չի համապատասխանել Մաքսային միության տեխնիկական կանոնակարգով սահմանված նորմերին:
«Տեսչական մարմնի ղեկավարի որոշմամբ՝ կաթնամթերքի արտադրամասի արտադրական գործունեության առանձին գործառույթը՝ «Կաթնառատ» ապրանքանիշի «Լոռի պանիր 50%» արտադրատեսակի արտադրությունը, կասեցվել է:
Ընկերության տնօրինությանը հանձնարարվել է ձեռնարկել անհրաժեշտ միջոցներ նշված արտադրատեսակը սահմանված նորմերին համապատասխանեցնելու համար: Սահմանվել է հայտնաբերված խախտումները վերացնելու վերջնաժամկետ»,- ասված է ՍԱՏՄ հաղորդագրության մեջ:
Մեկնաբանել