Այսօր՝ 2026թ. հունիսի 23-ին, խուզարկել են պատգամավոր, «Հայաստան» կուսակցությունների դաշինքի երկրորդ համարը զբաղեցնող Իշխան Սաղաթելյանի բնակարանը, ինչպես նաև ավտոմեքենան։ Թե իրավապահներն ինչ են փնտրել՝ հայտնի չէ, սակայն իրենց հետ տարել են գումար ու զարդեր։

Իշխան Սաղաթելյանը մեզ հետ զրույցում ասաց, որ քրեական վարույթը նախաձեռնվել է ծիծաղելի դրվագով։ Ըստ պատգամավորի՝ իբր չի կատարել Դատական ակտերի հարկադիր կատարման ծառայության պահանջները։

Ի. Սաղաթելյանի փոխանցմամբ՝ վարույթը նոր է նախաձեռնվել, դատավարական կարգավիճակ չունի։ Համարում է, որ սա իր նկատմամբ քաղաքական հետապնդում է։

Քննչական կոմիտեի մամուլի քարտուղար Կիմա Ավդալյանի փոխանցմամբ՝ քրեական վարույթի շրջանակում կատարվում են քննչական և վարութային գործողություններ։ Այլ մանրամասներ չեն հայտնում։

Լուրը թարմացվել է։

Լուսանկարը՝ Իշխան Սաղաթելյանի ֆեյսբուքյան էջից