Սեպտեմբերի 7-ից 9 Մոսկվայում կանցկացվի «Ռուսաստանի նախագահի գավաթ» սամբոյի 6-րդ միջազգային մրցաշարը՝ մասնակցությամբ աշխարհի առաջատար 8 պետության հավաքականների. Ռուսաստան, Բելոռուս, Ուկրաինա, Ղազախստան, Մոլդովա, Տաջիկստան, Հարավային Կորեա և Հայաստան:

Հաշվի առնելով հանգամանքը, որ առջևում սամբոյի պատանիների, երիտասարդների, ապա մեծահասակների աշխարհի առաջնություններն են՝ Հայաստանի սամբոյի ֆեդերացիան որոշել է Մոսկվա չգործուղել հայաստանցի ուժեղագույն մարզիկներին (աշխարհի և Եվրոպայի չեմպիոններ ու մրցանակակիրներ Աշոտ Դանիելյան, Վաչիկ Վարդանյան, Վահան Վարդանյան, Գրիգոր Մխիթարյան), այլ ներկայանալ երկրորդ թիմով, որը նույնպես բավական ուժեղ է և լավ արդյունք արձանագրելու հավակնություն ունի:

Ստորև ներկայացվում են Մոսկվայում Հայաստանը ներկայացնելիք սամբիստները.

1. Տիգրան Կիրակոսյան - 52 կգ քաշային կարգ

2. Աղասի Նազունց - 57 կգ ք/կ

3. Վահրամ Գրիգորյան - 62 կգ ք/կ

4. Ալբերտ Կարգանյան - 68 կգ ք/կ

5. Անդրանիկ Նաղդալյան - 74 կգ ք/կ

6. Մհեր Կարապետյան - 82 կգ ք/կ

7. Արամ Հարությունյան - 90 կգ ք/կ

8. Հակոբ Առաքելյան - 100 կգ ք/կ

9. Տիգրան Անտոնյան - +100 կգ ք/կ

Հայաստանի հավաքականում, ինչպես միշտ, ընդգրկվում են նաև զինվորական մարզիկներ, ովքեր իրենց ծառայությունն անցկացնում են ՀՀ զինված ուժերի բանակի կենտրոնական մարզական ակումբում: Այս թիմում նրանք երկուսն են՝ Ալբերտ Կարգանյան ու Տիգրան Անտոնյան: Հայաստանի պատվիրակության կազմում են նաև մրցավար Էդուարդ Ասլանյանն ու մարզիչ Վովիկ Խոջայանը: