«Նաիրյան» վոկալ անսամբլն իր երգացանկը համալրել է արցախյան ժողովրդական երգերով։ Վեց ամիս տևած նախագծի ընթացքում անսամբլը, 30 արցախցիների հետ հանդիպումների արդյունքում, հավաքել ու նոտագրել է 15 արցախյան ժողովրդական երգեր։ Դրանք մշակվել են քառաձայն կատարման համար, և հնչել մայիսի 16-ին՝ «Մասուր» արվեստի տանը կայացած համերգին։

Նախագծի շրջանակում վերհանված ու քառաձայն մշակված երգացանկում տեղ են գտել․

• «Հինչըս գիդացալ»,
• «Պապալ, պապալ»,
• «Գորգագործ կնոջ օրորոցային երգը»,
• «Այան մատաղ քու ջանեդ»,
• «Ուրուրուցեն երգը»,
• «Այան ըմ»,
• «Շուշվա կեղը»,
• «Դերունց ծյորումը»,
• «Մթենա, մթենա»,
• «Ղարաբաղցի աղջկա երգը»,
• «Այա, վեր կաց դու պար եկ»,
• «Խնեցուն երգը»,
• «Ես պար կըկյամ տասնըչորս» երգերը։

Նախագծի նպատակն Արցախի վտանգված երաժշտական ժառանգության պահպանումն ու հանրահռչակումն է։ Այն իրականացվել է «Հովնանյան ընտանեկան հիմնադրամի» և «Մուղդուսյան» արվեստի կենտրոնի համատեղ ֆինանսավորմամբ։