Երևանում ընթանում է Եվրոպական քաղաքական համայնքի (EPC) 8-րդ գագաթնաժողովը՝ «Կառուցելով ապագան. միասնություն և կայունություն Եվրոպայում» կարգախոսի ներքո, որին մասնակցում է 47 բարձրաստիճան պատվիրակություն՝ պետությունների և միջազգային կառույցների ղեկավարների մակարդակով։ 

Գագաթնաժողովի անցկացման վայրի՝ Մարզահամերգային համալիրի դիմաց բողոքի ակցիաներ են իրականացնում տարբեր քաղաքացիական նախաձեռնությունների, քաղաքական ուժերի ներկայացուցիչներ, անհատ քաղաքացիներ։

Ակցիաների մասնակիցներն այդպիսով փորձում են Եվրոպական երկրների ներկայացուցիչների ուշադրությունը հրավիրել Բաքվում պահվող հայ գերիների, արցախցիների իրավունքների, Հայաստանում քաղբանտարկյալների և այլ խնդիրների վրա։