Հակակոռուպցիոն կոմիտեն հաղորդում է, որ ընտրակաշառք բաժանելու դեպքեր են բացահայտվել։

«Ազգային անվտանգության ծառայության աշխատակիցների հետ համատեղ ձեռնարկված ապացուցողական և օպերատիվ-հետախուզական միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը 2026 թվականի հունիսի 7-ին կայանալիք ՀՀ Ազգային ժողովի ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով խոստացել է տալ կաշառք, որպիսի խոստումն ընդունվել է վերջիններիս կողմից։ 

Դեպքի առթիվ Հայաստանի Հանրապետության քրեական օրենսգրքի համապատասխան հոդվածներով նախաձեռնվել է քրեական վարույթ, հանրային քրեական հետապնդում է հարուցվել չորս անձի նկատմամբ, ովքեր ձերբակալվել են»,- նշվում է հաղորդագրության մեջ։

Տե՛ս նաև․

• Արթուր Ավանեսյանը ձերբակալվել է ընտրակաշառքին վերաբերող վարույթի շրջանակում