Կոլյա Ստեփանյանը երեք ամսվա զինծառայող էր Ջաբրայիլում, երբ սկսվեց 2020թ.-ի արցախյան 44-օրյա պատերազմը։ Նորակոչիկների գումարտակը, որտեղ ծառայում էր Կոլյան, հոկտեմբերի 10-ին Հադրութ քաղաքի մոտակայքում գտնվող Խուռհատ սարի վրա հարձակման ենթարկվեց։ Գումարտակը տվեց զոհեր, վիրավորներ, մի մասն էլ հայտնվեց շրջափակման մեջ։ Անհետ կորած համարվող Կոլյան հինգ ընկերների հետ յոթանասուն օր հակառակորդի վերահսկողության տակ գտնվող տարածքում էր։ Թե ինչպես են կարողացել գոյատևել, Կոլյա Ստեփանյանը պատմել է իր «Որտեղ» գրքում։

Կոլյա Ստեփանյանի հետ խոսել ենք Արցախյան 44-օրյա պատերազմի մասին, կյանքի մասին՝ մինչ այդ և դրանից հետո։

Ի՞նչ էր թողել և ի՞նչ էր փնտրում նա։ Ռուսաստանից Հայաստան գալով, քաղաքացիություն ստանալով և Արցախում ժամկետային զինծառայության անցնելով՝ Կոլյան բախվեց պատերազմին։