Վարչապետ Նիկոլ Փաշինյանի որոշմամբ՝ Արա Ֆիդանյանն ազատվել է ներքին գործերի նախարարության գլխավոր քարտուղարի պաշտոնից։

«Ղեկավարվելով «Քաղաքացիական ծառայության մասին» օրենքի 16-րդ հոդվածի 1-ին մասով և 37-րդ հոդվածի 1-ին մասի 1-ին կետով՝ Արա Խորենի Ֆիդանյանին 2026 թվականի մարտի 20-ից ազատել ներքին գործերի նախարարության գլխավոր քարտուղարի պաշտոնից»,- ասված է որոշման մեջ։

Վարչապետի մեկ այլ որոշմամբ՝ Արա Ֆիդանյանը 2026 թվականի մարտի 23-ից կնշանակվի Նիդերլանդների Թագավորությունում Հայաստանի Հանրապետության դեսպանությանը կից Հայաստանի Հանրապետության կապի ներկայացուցիչ (կապի սպա) (նստավայրը՝ քաղ․ Հաագա)։ 

Նշենք, որ Արա Ֆիդանյանը նախկինում զբաղեցրել է նաև ոստիկանության պետի տեղակալի պաշտոնը։ Իսկ 2011 թվականից զբաղեցնում էր Հայաստանում Ինտերպոլի ազգային կենտրոնական բյուրոյի պետի պաշտոնը: