Հայաստանում հանրակրթական ուսումնական հաստատությունները գործում են տարբեր մարմինների ենթակայությամբ։ 2026թ. սեպտեմբերի 1-ից՝ մարզպետարանների, իսկ 2027թ. սեպտեմբերի 1-ից՝ Երևանի քաղաքապետարանի ենթակայությամբ գործող հանրակրթական ուսումնական հաստատությունները պետք է փոխանցվեն Կրթության, գիտության, մշակույթի և սպորտի նախարարության ենթակայությանը։

Այդ նպատակով Ազգային ժողովը 2025թ. հոկտեմբերի 24-ին փոփոխություններ և լրացումներ է կատարել «Հանրակրթության մասին» օրենքում։ Այդ համատեքստում անհրաժեշտություն է առաջացել փոփոխություն կատարել ԿԳՄՍ նախարարի 2010 թ․-ի հրամանում, ինչն էլ ներկայացվել է հանրային քննարկման:

Նախագծով առաջարկվում է հստակեցնել «հաստատության լիազոր մարմին» հասկացության հետ կապված իրավահարաբերություններն ու կարգավորումները: Միաժամանակ սահմանվում է, որ Կրթության, գիտության, մշակույթի և սպորտի նախարարությունը և համապատասխան մարզպետի աշխատակազմը, իսկ Երևանում՝ Երևանի քաղաքապետարանը, հանրակթական ուսումնական հաստատությունների խորհուրդներում առաջադրելու են մեկական անդամ:

Լուսանկարը՝ Նարեկ Ալեքսանյանի / ©Հետք