Սննդամթերքի անվտանգության տեսչական մարմնի ղեկավարի որոշմամբ՝ «Էվրի Դեյ» ՓԲ ընկերությանը պատկանող խմելու ջրի արտադրամասի արտադրական գործունեության կասեցումը վերացվել է (Վայոց ձորի մարզ, ք․ Ջերմուկ): Այս մասին հայտնում են ՍԱՏՄ լրատվականից։

«Որոշումը կայացվել է Տեսչական մարմնի Վայոց ձորի մարզային կենտրոնի տեսուչների արձանագրումների հիման վրա, համաձայն որոնց խմելու ջրի այս արտադրամասում իրականացված կրկնակի ստուգումները փաստել են նախկինում հայտնաբերված սանիտարահիգիենիկ նորմերի խախտումների ամբողջական շտկման մասին»,- ասված է հաղորդագրությունում։

Հիշեցնենք՝ ՍԱՏՄ տեսուչները պարզել էին, որ սանիտարահիգիենիկ սահմանված նորմերն այստեղ խախտվել էին, արտադրամասի արտադրական գործունեությունը կասեցվել էր։