Այսօր վաղ առավոտյան խոշոր ու ողբերգական ավտովթար է տեղի ունեցել Արագածոտնի մարզում, որի հետևանքով կա զոհ և վիրավորներ:

Ժամը 06:59-ին, Արագածոտնի մարզային օպերատիվ կառավարման կենտրոն ահազանգ է ստացվել, որ Մաստարա-Թալին ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ «VAZ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և շրջվել:

Վթարի հետևանքով երեք տուժած տարբեր աստիճանի մարմնական վնասվածքներով հոսպիտալացվել է բժշկական կենտրոն:

Փրկարարները ավտոմեքենայից դուրս են բերել վարորդին, սակայն ժամանած շտապօգնության աշխատակիցներն արձանագրել են վերջինիս մահը: