Տեսանյութեր
Լուսանկարներ
«Սուրբ Աստվածամայր» ԲԿ-ում մանկական ուղեղային կաթվածի վիրահատություններ կիրականացվեն
Երևանի «Սուրբ Աստվածամայր» բժշկական կենտրոնում մանկական ուղեղային կաթվածի վիրահատություններ կիրականացվեն։ Այս մասին այսօր հայտարարվեց Երևանի քաղաքապետարանի գործակարգավարական խորհրդակցության ընթացքում։
«Չինաստանի Շանհայ քաղաք այցի շրջանակում երկու քաղաքների մանկական հիվանդանոցների միջև կնքվել է համագործակցության հուշագիր, որն էլ հնարավորություն կտա իրագործել մանկական ուղեղային կաթվածի վիրահատական և վերականգնողական բուժումը: Այցի ընթացքում Երևանի և Շանհայի մասնագետները կատարել են համատեղ վիրահատություն, նույնը նախատեսվում է նաև Երևանում, ինչը տարածաշրջանում առաջին հնարավորությունն է: Մոտ 24 մլն դրամ արժողությամբ սարքավորումները կտրամադրի չինական կողմը, վերականգնողական բուժումը տեղի կունենա «Սուրբ Աստվածամայր» ԲԿ-ի համապատասխան բաժանմունքում»,- նշվում է քաղաքապետարանի տարածած հաղորդագրության մեջ:
Մեկնաբանել