Երեկ՝ ժամը 08:07-ին, արտակարգ իրավիճակների նախարարությունում տեղեկություն է ստացվել, որ Տավուշի մարզի Տավուշ գյուղում տեղի է ունեցել անասնագոմի տանիքի փլուզում:

Դեպքի վայր է մեկնել Բերդի հրշեջ-փրկարարական ջոկատի հրամանատարը: Տեղում պարզվել է, որ անասնագոմի նորոգման աշխատանքներ կատարելիս փլուզվել է տանիքը:

Փլուզման հետևանքով 1931 թ. ծնված Աշոտ Սմբատյանը և 1937 թ. ծնված Աղավնի Պետրոսյանը ստացել են տարբեր աստիճանի մարմնական վնասվածքներ: Վերջիններիս տեղափոխել են Բերդի բժշկական կենտրոն, որտեղ Ա. Սմբատյանը մահացել է:

«Բժիշկների գնահատմամբ` Ա. Պետրոսյանի առողջական վիճակը բավարար է»,- տեղեկացնում է Արտակարգ ալիք լրատվական կենտրոնը: