Իրանական «Առան» լրատվական գործակալությունը օգոստոսի 27-ին, վկայակոչելով թուրքական աղբյուրների, տեղեկացնում է, որ «Ադրբեջանը, ընդառաջելով Անկարայի առաջարկին, 500 հազար եվրոյով օժանդակել է Սիրիայի ապստամբներին»:

«Առան-նյուզի» համաձայն՝ թուրք պետական այրերը, «սիրիահայերին Ղարաբաղ տեղափոխելու ենթադրյալ հայկական ծրագրին» ի պատասխան, Բաքվի իշխանավորներին համոզել են ֆինանսապես օժանդակել Բաշար Ասադի հակառակորդներին:

Ըստ աղբյուրի՝ Բաքվի նախապայմանը եղել է օժանդակության գաղտնի մնալը, որի պատճառով էլ դա փոխանցվել է Թուրքիայի միջնորդությամբ:

Հիշեցնենք, որ ադրբեջանական մամուլը վերջին շաբաթներում անընդհատ խոսում էր «Հայաստանի կողմից սիրիահայերին Ղարաբաղ տեղափոխելու» ենթադրյալ ծրագրի մասին:

«Արաքս» շաբաթաթերթ, Թեհրան
29.08.2012թ.