Ներքին գործերի նախարարության ոստիկանությունից տեղեկացնում են, որ Գեղարքունիքի մարզի գումարտակի ջրային պարեկները ավտոմեքենայում սիգ և ձկնկիթ են հայտնաբերել։

«Գեղարքունիքի մարզի գումարտակի ջրային պարեկները շարունակում են պայքարը ձկնագողության դեպքերի բացահայտման ուղղությամբ։ Ծառայողները հերթական արդյունքը գրանցել են դեկտեմբերի 31-ին։ Սևան-Մարտունի-Գետափ ավտոճանապարհին կանգնեցրել են Նորատուս գյուղի 34-ամյա բնակչի վարած «ՎԱԶ-21099» մակնիշի ավտոմեքենան։ Ավտոմեքենայի սրահում հայտնաբերվել է 74 կգ ավելի 193 սիգ և մոտ 2 կգ ձկնկիթով 14 տարա։

Վարորդը հայտնել է, որ ձկները ձեռք է բերել նոյեմբեր ամսին՝ անծանոթ անձից։

Հայտնաբերվածը հանձնվել է Բնապահպանության և ընդերքի տեսչական մարմնի Գեղարքունիքի տարածքային բաժին։

Կազմված փաստաթղթերն ուղարկվել են նախաքննական մարմին»,- նշված է հաղորդագրության մեջ։